মুখ্য পৃষ্ঠা
06/04/25
16:20
মৰমৰ 'মন' ,
ব্যস্ততাৰ অজুহাত উলিয়াই তোমাৰ
মোলৈ মনত নপৰে যদিও আজি বহুদিনৰ
পিচত তোমালৈ একলম
লিখিবলৈ বহিলো |উৱঁলি যোৱা ডায়েৰীৰ
বুকুত সযতনে কিমান আঁকিম সপোনৰ
ভগ্নাৱশেষ বোৰ ?শব্দৰ বিকৃত
ভাজে ভাজে মৰমে বোৰে যেন
পলে পলে হৃদয়খনক অপমান কৰে |
মন ,স্মৃতিৰ প্ৰাচীন গহ্বৰত সপোন
বোৰে কিৰিলি পাৰে |ধোঁৱা বৰণীয়া মোৰ
মাটিৰ এন্ধাৰ কোঠাটোত মমৰ
দৰে জ্বলে সময় |দুৰ্বাৰ হেঁপাহত
চকুলোৰে সজাওঁ শব্দৰ পিৰামিড |
আক্ষেপত নিগৰে কলিজা কঁপাই হুমুনিয়াহ
বোৰ |তুমি কেনে আছা মন ?অধিকাৰ
বোৰ কাঢ়ি নিলা যদিও বুকুৰ প্ৰাচীন
অভ্যাস বোৰ এতিয়াও একেদৰেই আছে |
মোৰ জীৱনৰ ভগ্ন প্ৰেমৰ এই বিধস্ত
শতিকাক তুমি কি নাম দিবা মন ?আশাৰ
সমাধি বোৰ খুচৰি খুচৰি তোমাক
চাবলৈ বৰ মন যায় |তোমাৰ
কাজলসনা দুচকুৱে এতিয়াও বাৰু আগৰ
দৰে হাঁহেনে?নে প্ৰতিশ্ৰুতি ভংগৰ
বেদনাত তুমিও নিজানত উচুপি কান্দা ?
মোৰ এদিনৰ ভালপোৱাৰে শপত
মন,তুমি আগৰ দৰে সদায়েই হাঁহি থাকিবা |
মন,মগজুৰ সুতীব্ৰ আদেশত পাগলৰ
সংলাপ বোৰ আকৌ এবাৰ
তোমালৈ বুলি উকা কাগজত সজালো |
খং নকৰিবা |যদি কেতিয়াবা সময়
হয় ,প্ৰত্যুত্তৰ দিবা |আগ্ৰহেৰে বাট চাম বসন্ত অহালৈ|
সীমনাত
তোমাৰ এদিনৰ "ৰণ"
©ৰাজু কলিতা
